Download the Malayalam menu based Income tax estimator for UGC and Kerala Govt. scale employees. The tool is designed to prepare Anticipatory Income tax statements for the financial year 2016-17 (AY 2017-18)


മലയാളം / ഇംഗ്ലീഷ് മെനുവില്‍ പ്രവര്‍ത്തിക്കുന്നതും 2016-17 സാമ്പത്തീക വര്‍ഷത്തിലെ നികുതി മുന്‍പേ ഊഹിച്ചെടുത്തു അതിനനുസൃതമായി മുന്‍പേ തന്നെ മാസം തോറും ഗടുക്കളായി നികുതി അടക്കാനായി സ്റെറെമെന്റ്റ് തയ്യാറാക്കാനായി ഈ എക്സെല്‍ അധിഷ്ഠിതമായ സോഫ്റ്റ്‌വെയര്‍ കൊണ്ട് കഴിഞ്ഞേക്കാം. ഡൌണ്‍ലോഡ് ചെയ്യാന്‍ തുടര്‍ വായനക്കുള്ള ലിങ്കില്‍ ക്ലിക്ക് ചെയ്ത ശേഷം കാണുന്ന ഡൌണ്‍ലോഡ് ലിങ്കില്‍ ക്ലിക്ക് ചെയ്യുക
1. SOFTWARE BY BABU VADUKKUMCHERY

CLICK ME TO DOWNLOAD THE SOFTWARE

LINKS TO OTHER POPULAR SOFTWARES

2. SOFTWARE BY SUDHEER KUMAR T K
DOWNLOAD SOFTWARE BY SUDHEER KUMAR

3. SOFTWARE BY ALRAHIMAN
DOWNLOAD SOFTWARE BY ALRAHIMAN


വരുമാന നികുതി – ഇത്തവണ 30000 രൂപയുടെ കൂടുതല്‍ ഇളവുകളോ ?

2016-17 സാമ്പത്തീക വര്‍ഷത്തെ ബഡ്ജറ്റിലെ പ്രഖ്യാപനം വന്നു. സാധാരണക്കാരായ ശമ്പള വരുമാനക്കാരുടെ കാര്യത്തില്‍ എന്തെങ്കിലും ‘പച്ച’ കാണാനുണ്ടോ എന്നതായിരിക്കും പൊതുവേ ഉയരുന്ന ചോദ്യം. കഴിഞ്ഞ ഫെബ്രുവരി മാസത്തില്‍ കൂട്ടിയും കുറച്ചും നോക്കി ഒരു പഴുതും കാണാത്ത നിലക്ക്, നികുതി വകുപ്പിനെ കണക്കിനു പിരാകി, വര്‍ഷാന്ത്യത്തില്‍ കുറെ നികുതി ഒടുക്കേണ്ടി വന്നു. പുത്തനുടുപ്പിട്ട മണവാട്ടിയെ പോലെ പുതിയ സാമ്പത്തിക വര്‍ഷവും പുറത്തിറങ്ങാന്‍ തയ്യാറായി നില്‍ക്കുന്നു. സര്‍ക്കാന്‍ സര്‍വ്വീസിലാണെങ്കില്‍ പുതിയ സ്കെയിലില്‍ വാരിക്കോരി ശമ്പളവും വാങ്ങിത്തുടങ്ങി. എല്ലാം മംഗളം തന്നെ. പക്ഷെ വരുമാന നികുതി കൊടുക്കേണ്ട കാര്യത്തെക്കുറിച്ച് ആലോചിക്കുമ്പോള്‍ മാത്രം ഈ പറഞ്ഞ പരമാനന്ദം ഉണ്ടാകാനിടയില്ല. ഇനി ഒരേ ഒരാശ്രയം പുതിയ ബഡ്ജറ്റിലെ വരുമാന നികുതി ഇളവിനെപ്പറ്റിയുള്ള ശുഭപ്രതീക്ഷ മാത്രം. അതുകൊണ്ട് തന്നെ ഈ ബഡ്ജറ്റിലെ നിര്‍ദ്ദേശങ്ങള്‍ എന്തൊക്കെയാണെന്ന് പരിശോധിക്കാം.

മാറ്റമില്ലാതെ തുടരുന്നവ എന്തൊക്കെ ?

ഭൂരിഭാഗം വസ്തുതകളും കഴിഞ്ഞ വര്‍ഷത്തിന്‍റെ (2015-16) ഫോട്ടോസ്റ്റാറ്റായി തന്നെ തുടരുന്നു.


  1. അടിസ്ഥാന നികുതി നിരക്കില്‍ മാറ്റമില്ല (വിശദാംശങ്ങള്‍ ചുവടെ) 
  2. 80 C, 80CCC, വിഭാഗത്തില്‍ പെടുന്ന നിക്ഷേപങ്ങള്‍ക്കും ചെലവുകള്‍ക്കും ഉള്ള കിഴിവ് 1.5 ലക്ഷമായി ത്തന്നെ തുടരുന്നു. 
  3. മുന്‍ വര്‍ഷത്തെപ്പോലെ NPS നിക്ഷേപങ്ങളില്‍ ജീവനക്കാരന്‍റെ വിഹിതമായി കൂടുതലായി അമ്പതിനായിരം രൂപ കൂടെ അടക്കുന്ന പക്ഷം ക്രമ നമ്പര്‍ 2 ല്‍ പറഞ്ഞിരിക്കുന്ന കിഴിവ് 1.5 ലക്ഷത്തില്‍ നിന്നും 2 ലക്ഷമായി ഉയര്‍ത്താം. 
  4. EDUCATION LOAN ന്‍റെ പലിശ അടവ് മുന്‍ വര്‍ഷത്തെപോലെ പൂര്‍ണ്ണമായും വരുമാനത്തില്‍ നിന്നുള്ള കിഴിവായി അനുവദിക്കും 


മാറ്റങ്ങള്‍ പരിമിതമായി മാത്രം

  1. ടാക്സബില്‍ ഇന്‍കം 5 ലക്ഷം കവിയാത്തവര്‍ക്ക് നികുതിയില്‍ നിന്നും നേരിട്ട് കുറയ്ക്കാമെന്ന നിലയില്‍ ലഭിച്ചിരുന്ന 87-A Rebate 2000 രൂപയില്‍ നിന്നും 5000 രൂപയായി വര്‍ദ്ധിപ്പിച്ചു. അതായത് 3000 രൂപയുടെ കൂടുതല്‍ നികുതി ഇളവ് ലഭിക്കുമെന്നര്‍ത്ഥം. മറ്റൊരു തരത്തില്‍ പറഞ്ഞാല്‍ മുന്‍ വര്‍ഷത്തെ അപേക്ഷിച്ച് ഒരാളുടെ ടാകസബില്‍ വരുമാനം ശമ്പള വര്‍ദ്ധനവു മൂലം കഴിഞ്ഞ വര്‍ഷത്തെ അപേക്ഷിച്ച് 30000 രൂപ വര്‍ദ്ധിച്ചു എന്ന് കരുതുക, പേടിക്കേണ്ടതില്ല, അയാള്‍ ഈ വര്‍ഷം ഒടുക്കേണ്ടി വരുന്ന നികുതി മുന്‍ വര്‍ഷത്തേതു മാത്രമായിരിക്കും.
    87-A Rebate 2000 രൂപയില്‍ നിന്നും 5000 രൂപയായി വര്‍ദ്ധിപ്പിച്ചു
    പക്ഷെ ഈ 87-A Rebate ആനുകൂല്യം ടാക്സബില്‍ ഇന്‍കം 5 ലക്ഷം കവിഞ്ഞവര്‍ക്ക് ലഭിക്കില്ല എന്നതിനാല്‍ അത്തരക്കാര്‍ നിരാശപ്പെടുക മാത്രമാണ് പരിഹാര മാര്‍ഗ്ഗം 
  2.  പ്രത്യേക വിഭാഗത്തില്‍പ്പെടുന്ന ഭവന വായ്പ്പക്ക് ഉള്ള നികുതി ഇളവ് – ഇതു പ്രകാരം ഭാവന വായ്പ്പയുടെ പലിശത്തുകക്കുള്ള ഇളവ് ഫലത്തില്‍ 2 ലക്ഷം രൂപയില്‍ നിന്നും 50000 രൂപ കൂടെ വര്‍ദ്ധിപ്പിച്ചു 2.5 ലക്ഷമാക്കി. ഇതു പറയുമ്പോള്‍ കുറെ നിബന്ധനകള്‍ ഓര്‍ക്കേണ്ടതുണ്ട്. സാധാരണ ഒരു പഴയകാല ഭവന വായ്പക്ക് ഈ കൂടുതല്‍ ആനുകൂല്യം ലഭിക്കില്ല, അത് മുന്‍ വര്‍ഷത്തെ പോലെ വകുപ്പ് 24(b) പ്രകാരം പരമാവധി 2 ലക്ഷമായി തുടരുന്നു. 80EE പ്രകാരമുള്ള കൂടുതല്‍ ഇളവ് 50000 രൂപ കൂടെ നേടണമെങ്കില്‍ ചുവടെ പറയുന്ന നിബന്ധനകള്‍ പാലിക്കണം:- 
  • a. വായ്പ്പ 2016-17 സാമ്പത്തീക വര്‍ഷത്തില്‍ തന്നെ അനുമതി നേടിയതായിരിക്കണം 
  • b. വായ്പ്പ തുക 35 ലക്ഷം കവിയാന്‍ പാടില്ല 
  • c. വീടിന്‍റെ ചെലവ് തുക 50 ലക്ഷം കവിയരുത് 
  • d. നികുതി ദായകന്‍ ഒരു first time home buyer (ആദ്യമായി വീട് കരസ്ഥമാക്കുന്നവന്‍) ആയിരിക്കണം മേല്‍ പറഞ്ഞ വസ്തുതകള്‍ എല്ലാം കൂടെ ഒത്തു വരുന്ന സാഹചര്യത്തില്‍ മാത്രമേ പ്രത്യേക ഇളവിന്‍റെ രുചിയറിയാന്‍ കഴിയൂ എന്നതിനാല്‍ എത്ര പേര്‍ക്ക് ഈ ‘മുന്തിരി പുളിക്കും’ എന്ന്‍ ഊഹിക്കാം. 
3. മറ്റൊരു ആനുകൂല്യം എന്ന്‍ പറയാവുന്നതും പുതിയ ഭാവന വായ്പ്പക്കാര്‍ക്കുള്ളതാണ്. ഇതു പ്രകാരം വായ്പ്പയില്‍ നിന്നുള്ള വരുമാന നികുതി ഇളവു നേടാന്‍ മുന്‍ കാലങ്ങളില്‍ 3 വര്‍ഷത്തിനകം വീട്പണി പൂര്‍ത്തിയാക്കിയ സര്‍ട്ടിഫിക്കറ്റ് നേടണമായിരുന്നു. ഈ നിബന്ധന 5 വര്‍ഷമാക്കി ഉയര്‍ത്തി. ചുരുക്കത്തില്‍ നികുതി നിരക്കുകള്‍ 

Ordinary Citizens
Up to 60
Senior Citizens
(60-79 Age group)
Super Senior Citizens
(Age 80 or above)
Upto Rs. 2,50,000 - Nil   
Upto Rs. 3,00,000 - Nil
Upto Rs. 5 Lakh - Nil
2.5 Lakh to 5 Lakh 10% 
3 Lakh to 5 Lakh 10%
5 Lakh to 10 Lakh 20%
5 Lakh to 10 Lakh 20%
Above 10 Lakh 30%
5 Lakh to 10 Lakh 20% 
Above 10 Lakh 30%
Above 10 Lakh 30%

Education cess 3% of  Tax amount

ഒറ്റ നോട്ടത്തില്‍ പറഞ്ഞാല്‍ ചെറുവരുമാനക്കാര്‍ക്കും പുതിയ, ഇടത്തരം വീട് പണിയാന്‍ വായ്പ്പ എടുത്തവര്‍ക്കും മാത്രം അല്‍പ്പം ആശ്വസിക്കാനുള്ള വക നല്‍കി എന്നല്ലാതെ മറ്റുള്ളവര്‍ക്ക് മുന്‍ കാല നിരക്ക് തന്നെ തുടരുന്നു എന്ന് കാണാം. പക്ഷേ വരുമാനത്തില്‍ ഉണ്ടാകാന്‍ ഇടയുള്ള ഭീമന്‍ വര്‍ദ്ധന അടുത്ത വര്‍ഷം ഉയര്‍ന്ന വിഭാഗക്കാരെ കണ്ണീരു കുടിപ്പിക്കും എന്ന കാര്യത്തില്‍ ഒരു തര്‍ക്കവുമില്ല. 


തുടര്‍ന്നുള്ള ദിവസങ്ങളില്‍ ഈ കുറിപ്പ് വിപുലപ്പെടുത്തി തയ്യാറാക്കുന്നതാണ്.

INCOME TAX E FILING

എന്താണ് ഇന്‍കം ടാക്സ് റിട്ടേണ്‍ ഫയലിംഗ് ?


ഒരു വ്യക്തി ഒരു സാമ്പത്തീക വര്‍ഷം പൂര്‍ത്തീകരിച്ചതിനുശേഷം ആ വര്‍ഷത്തില്‍ താന്‍ നേടിയ വരുമാനം നിശ്ചിത പരിധി കടന്നാലോ അയാള്‍ അടച്ച നികുതി തുക ആവശ്യത്തില്‍കൂടുതലായി കണ്ട് തിരിച്ച് വാങ്ങലിനായി ശ്രമിക്കുന്നുണ്ടെങ്കിലോ, അതുമല്ല മറ്റു നിയമപരമായ കാരണങ്ങളാലോ വരുമാനത്തിന്റെയും നികുതി അടവിന്റെയും മറ്റും വിശദാംശങ്ങള്‍ നിശ്ചിത ഫോര്‍മാറ്റില്‍ വരുമാന നികുതി വകുപ്പിന് സമര്‍പ്പിക്കെണ്ടാതായിട്ടുണ്ട്. ഈ വിവരസമര്‍പ്പണത്തെ ഇന്‍കംടാക്സ് റിട്ടേണ്‍ ഫയലിംഗ് എന്നു പറയുന്നു.

സാധാരണ ഗതിയില്‍ 2015-16 സാമ്പത്തീക വര്‍ഷത്തെ വിവരങ്ങള്‍ 2016 ജൂലായ്‌ 31 വരെ സമര്‍പ്പിക്കാന്‍ കഴിയും. കഴിഞ്ഞ ഫെബ്രുവരി മാസത്തില്‍ സമാനമായ വിവരങ്ങള്‍ ഉള്‍ക്കൊള്ളിച്ചിട്ടുള്ള ഒരു രേഖ നമ്മള്‍ ഒരു സോഫ്റ്റ്‌വെയര്‍ ഉപയോഗിച്ചോ അല്ലെങ്കില്‍ ഫോമില്‍ പേനകൊണ്ട് എഴുതി തയ്യാറാക്കിയോ സ്ഥാപന മേധാവിക്ക് (അല്ലെങ്കില്‍ ട്രഷറി ആപ്പീസര്‍) സമര്‍പ്പിച്ചിട്ടുണ്ടായിരിക്കും. ആ രേഖ ട്രഷറിയിലെക്കും ജീവനക്കാരന്റെ മേല്‍വകുപ്പ് മേധാവിയുടെ ഓഫീസിലേക്കും മാത്രം പോകുന്ന ഒന്നാണ്. അതിനെ ഇന്‍കം ടാക്സ് റിട്ടേണ്‍ ഫയലിംഗ് എന്ന പേരില്‍ വിശേഷിപ്പിക്കാന്‍ പാടില്ല.


ആരൊക്കെ ഇന്‍കം ടാക്സ് റിട്ടേണ്‍ ഫയലിംഗ് ചെയ്യണം ? 


സാധാരണ ജീവനക്കാരനെ [60 വയസ്സില്‍ താഴെ ] സംബന്ധിച്ചിടത്തോളം തന്റെ 2015-16 സാമ്പത്തീക വര്‍ഷത്തെ വരുമാനം രണ്ടര ലക്ഷം കവിഞ്ഞാല്‍ റിട്ടേണ്‍ സമര്‍പ്പിക്കാന്‍ ബാധ്യസ്ഥനാണ്.
[ 60 വയസ്സിനും 80 വയസ്സിനും ഇടയിലുള്ളവര്‍ക്ക് പരിധി 3 ലക്ഷവും 80 നും അതിനു മേലേ ഉള്ളവര്‍ക്ക് പരിധി 5 ലക്ഷവും ]

ഇവിടെ വരുമാനം എന്നതുകൊണ്ട് ഉദ്ദേശിക്കുന്നത് ഗ്രോസ് വരുമാനമാണ്. അതായത് ചാപ്റ്റര്‍ VI A പ്രകാരമുള്ള ഇളവുകള്‍ കുറക്കുന്നതിനു മുന്‍പുള്ള വരുമാനം. ഒരു വ്യക്തി നികുതി കാണാനായി തന്റെ മൊത്ത വരുമാനത്തില്‍നിന്നും വകുപ്പ് 10 പ്രകാരവും ചാപ്റ്റര്‍ VI A പ്രകാരവുമുള്ള കിഴിവുകളും കിഴിച്ച് ടാകസബിള്‍ ഇന്‍കം (Taxable Income or Total Income ) കണ്ടെത്തുകയും അതിന്മേല്‍ നികുതി ഒടുക്കുകയുമാണ്‌ ചെയ്യുക. എന്നാല്‍ ഇവിടെ ഇന്‍കം ടാക്സ് റിട്ടേണ്‍ ഫയലിംഗ് നിര്‍ബന്ധമായും ചെയ്യേണ്ട വിഭാഗത്തില്‍പ്പെട്ടവനാണോ അല്ലയോ എന്ന് പരിശോധിക്കാന്‍ ഗ്രോസ് വരുമാനമാണ് സൂചകം, അല്ലാതെ ടാകസബിള്‍ ഇന്‍കം മാനദണ്ഡമായി എടുക്കരുതെന്ന് പ്രത്യേകം ഓര്‍ക്കുക. മറ്റൊരു കാര്യവും സൂചിപ്പിക്കട്ടെ,

റിട്ടേണ്‍ സമര്‍പ്പിക്കല്‍ എന്നത് വ്യക്തിപരമായി ഓരോരുത്തരും സ്വയം ചെയ്യേണ്ട കര്‍ത്തവ്യമാണെന്നും അല്ലാതെ സ്ഥാപനമേധാവിയുടെ പിരടിക്ക് വച്ച് തടി ഊരാന്‍ നോക്കേണ്ട ഒന്നല്ല എന്നും.

എങ്ങിനെ റിട്ടേണ്‍ സമര്‍പ്പിക്കാം.

പ്രധാനമായും രണ്ടു തരത്തില്‍ ആകാം. 
1. പേപ്പര്‍ ഫയലിംഗ്

2. ഓണ്‍ ലയിനായി (ഇ-ഫയലിംഗ് )

1. പേപ്പര്‍ ഫയലിംഗ് വരുമാന നികുതി ആപ്പീസില്‍ നിന്നും ലഭിക്കുന്ന പേപ്പര്‍ ഫോമില്‍ പേനകൊണ്ട് പൂരിപ്പിച്ച് അവിടെ തന്നെ അത് സമര്‍പ്പിക്കുന്നതാണ് ഈ രീതി. ഇങ്ങനെ റിട്ടേണ്‍ സമര്‍പ്പിക്കുന്നതിന് നിശ്ചിത മാതൃകയും നിറങ്ങളുമുള്ള പ്രത്യേക ഫോം തന്നെ വേണം. അത് ഇന്‍റര്‍നെറ്റില്‍ നിന്നും ഡൗണ്‍ലോഡ് ചെയ്യാനോ വാങ്ങിക്കാനോ കഴിയില്ല. എല്ലാവര്‍ക്കും ഈ രീതിയില്‍ റിട്ടേണ്‍ സമര്‍പ്പിക്കാന്‍ കഴിയില്ല.

ചുവടെ പറയുന്നവര്‍ക്ക് മാത്രമായി ഈ സൗകര്യം പരിമിതപ്പെടുത്തിയിട്ടുണ്ട് :-

• ടാകസബിള്‍ ഇന്‍കം അഥവാ ടോട്ടല്‍ ഇന്‍കം (ഇളവുകള്‍ക്ക് ശേഷമുള്ള വരുമാനം ) അഞ്ചു ലക്ഷം കവിയാത്തവര്‍

• 80 വയസ്സിനു മേലെ പ്രായമായവര്‍. ( ITR 1, ITR 2 എന്നിവ മാത്രം) 


2. ഇ-ഫയലിംഗ് ഇന്റര്‍നെറ്റ് സൌകര്യമുള്ള കമ്പ്യൂട്ടര്‍ ഉപയൊഗിച്ച് സ്വയം ചെയ്യാവുന്ന രീതിയാണ് ഇത്. പൊതുവേ ചുവടെ പറയുന്ന വിഭാഗത്തില്‍പ്പെടുന്നവര്‍ ഇ-ഫയലിംഗ് തന്നെ നിര്‍ബന്ധമായും ചെയ്തിരിക്കണം :

• ടാകസബിള്‍ ഇന്‍കം അഥവാ ടോട്ടല്‍ ഇന്‍കം (ഇളവുകള്‍ക്ക് ശേഷമുള്ള വരുമാനം ) അഞ്ചു ലക്ഷം കവിഞ്ഞവര്‍

• നികുതി കൂടുതലായി അടച്ച് റീഫണ്ട് നേടാന്‍ ആഗ്രഹിക്കുന്നവര്‍
• Housing loan എടുത്ത് അതിലൂടെ ഇന്‍കം ടാക്സ് ഇളവു നേടുന്നവര്‍ മുകളില്‍ പറഞ്ഞ രണ്ടു രീതിയായാലും അത് പൂര്‍ത്തീകരിക്കേണ്ട അവസാന തീയ്യതി 2016 ജൂലായ്‌ 31 ആണ്.

കൂടുതല്‍ വായനക്കും വിശദമായ നടപടിക്രമങ്ങള്‍ ഉള്‍ക്കൊള്ളുന്ന PDF ഫയല്‍ ഡൌണ്‍ലോഡ് ചെയ്യാനും

Click Me
ചുവടെ കാണുന്ന കുറിപ്പ് വായിച്ചാലും 

പ്രത്യേകം ശ്രദ്ധിക്കുക:
കുടിശ്ശിക ശമ്പളത്തിന്റെ നികുതി ഭാരം ഒഴിവാക്കാനായി 10 E ഫോം തയ്യാറാക്കി കഴിഞ്ഞ ഫെബ്രുവരി മാസത്തില്‍ നികുതി ഇളവു നേടിയ വ്യക്തിയാണ് താങ്കളെങ്കില്‍ മുകളില്‍ കാണുന്ന ലിങ്കില്‍ നിന്ന് PDF FILE ഡൌണ്‍ലോഡ് ചെയ്യുന്നതോടൊപ്പം ചുവടെ കാണുന്ന വരികള്‍ വായിക്കുകയും PDF FILE ഫയല്‍ ഡൌണ്‍ലോഡ് ചെയ്യുകയും വേണം .


CLICK TO DOWNLOAD 10 E- E FILING GUIDELINES


ഫോം 16 ഡൌണ്‍ലോഡ് ചെയ്യല്‍ സ്ഥാപന മേലധികാരികള്‍ സൂക്ഷിക്കുക


സാധാരണ ഗതിയില്‍ മേയ് 31 എന്നത് ഏതൊരു മേലധികാരിയും (DDO) കണ്ണില്‍ എണ്ണയൊഴിച്ച് കരുതിയിരിക്കേണ്ട ദിനമാണ്( അദ്ധ്യാപകരാണെങ്കില്‍ എണ്ണക്ക് പകരം ചോക്കുപോടിയിട്ടാലും ധാരാളം). കാരണമെന്തെന്നാല്‍ അന്നാണ് ഫോം 16 ഡൌണ്‍ലോഡ് ചെയ്തെടുക്കേണ്ട അവസാന ദിവസം. ഒരു DDO തന്‍റെ ജീവനക്കാരന്‍റെ മാസപ്പടിയില്‍നിന്നും മാസം തോറും പിടുങ്ങുന്ന വരുമാനനികുതി (TDS) സമയാസമയങ്ങളില്‍ വരുമാന നികുതി വകുപ്പിന്റെ എക്കൊണ്ടില്‍ തന്നെ അടക്കുന്നുണ്ടെന്നും, അതല്ലാതെ തന്‍റെ തറവാട്ടു സ്വത്തായി ഉപയോഗിച്ച് വടവൃക്ഷമായി വളര്‍ന്നു പൊങ്ങുന്നില്ലെന്നും തന്‍റെ കീഴ്ജീവനക്കാരനെ ബോധ്യപ്പെടുത്തിക്കൊടുക്കേണ്ട നിയമപരമായ ബാധ്യതയുണ്ട്. ലളിതമായിപ്പറഞ്ഞാല്‍ ഫോം 16 ഈ ഉത്തരവാദിത്വം വളരെ ഭംഗിയായി തന്നെ നിര്‍വ്വഹിക്കുന്ന ആധികാരിക രേഖയാണെന്നു പറയാം. ഈ ചുമതല കൃത്യമായും സമയബന്ധിതമായും നല്‍കാത്ത DDOക്ക് കനത്ത പിഴയാണ് ചുമത്തുന്നത് എന്ന് കാണാം. വകുപ്പ് നിഷ്കര്‍ഷിക്കുന്ന വാചകങ്ങള്‍ അതേപടി നിരത്തട്ടെ. under the provisions of section 203 of the Income Tax Act, 1961 read with rule 31A, Certificate of tax deducted at source is to be furnished within fifteen (15) days from the due date for furnishing the statement of tax deducted at source. Failure to comply with the provisions of the Act will attract penalty under the provisions of section 272A of the Act, a sum of one hundred rupees for every day during which the failure continues ദഹിക്കുന്ന മലയാളത്തില്‍ വിളമ്പിയാല്‍ വൈകുന്ന ഓരോ ദിവസവും നൂറു രൂപ വച്ച് പിഴയൊടുക്കേണ്ട ബാധ്യതയുണ്ടെന്നു സാരം. ഇത് സംബന്ധമായ ലേഖനം തയ്യാറാക്കിയിരിക്കുന്നത് ഇരമംഗലം K C A L P സ്കൂളിലെ ഹെഡ് മാസ്റ്റര്‍ സുധീര്‍കുമാര്‍ T K യാണ്. ലേഖനസംബന്ധമായ കൂടുതല്‍ വിവരങ്ങള്‍ 9495050552 എന്ന അദ്ദേഹത്തിന്‍റെ മൊബൈല്‍ നമ്പറില്‍ നല്‍കാന്‍ ശ്രമിക്കാം.

2015-16 സാമ്പത്തികവർഷത്തെ അവസാനത്തെ ക്വാർട്ടര്‍ TDS Return ഫയൽ ചെയ്ത് കഴിഞ്ഞതിന് ശേഷം DDO യുടെ ഇൻകം ടാക്സ് സംബന്ധിച്ച പ്രധാന ഉത്തരവാദിത്തമാണ് Form 16 ഡൌണ്‍ലോഡ് ചെയ്ത് ഓരോ ജീവനക്കാരനും നല്‍കുക എന്നത്. ശമ്പളത്തിൽ നിന്നും ടാക്സ് നല്‍കിയ ജീവനക്കാര്‍ക്ക് ടാക്സ് കുറച്ച ആള്‍ (DDO) നല്‍കേണ്ട TDS Certificate ആണ് Form 16. മെയ്‌ 31 നു മുമ്പായി ഇത് നല്‍കിയിരിക്കണമെന്നു Section 203 പറയുന്നു.
Form 16 ന് രണ്ടു ഭാഗങ്ങളുണ്ട്. Part A യും Part B യും. Part A യില്‍ ഓരോ മാസവും കുറച്ച ടാക്സിന്റെ കണക്കും അതിന്‍റെ BIN നമ്പര്‍ മുതലായ വിവരങ്ങളും ഉണ്ടാകും. ഇതിലെ "Details of Tax Deducted and deposited in the Central Govt Account through Book Adjustment" എന്ന പട്ടികയില്‍ എല്ലാ മാസവും കുറച്ച ടാക്സ് വന്നോ എന്ന് പരിശോധിക്കാം. സ്ഥാപനത്തിന്‍റെ TAN നമ്പര്‍ TRACES ല്‍ രജിസ്റ്റര്‍ ചെയ്ത് മുഴുവന്‍ പേരുടെയും Form 16 Part A ഒരുമിച്ച് ഡൌണ്‍ലോഡ് ചെയ്തെടുക്കാം.

Part B യില്‍ ആകെ ശമ്പളം, കിഴിവുകള്‍, ടാക്സ്, സെസ്, ആകെ ടാക്സ് മുതലായ വിവരങ്ങള്‍ ഉണ്ടാകും. (സോഫ്റ്റ്‌വെയര്‍ ഉപയോഗിച്ച് Income Tax Statement തയ്യാറാക്കുമ്പോള്‍ Form16 കൂടി അതില്‍ നിര്‍മ്മിക്കപ്പെടും).
2015-16 സാമ്പത്തിക വര്‍ഷത്തില്‍ ഒന്നില്‍ കൂടുതല്‍ സ്ഥാപനങ്ങളില്‍ ജോലി ചെയ്ത് രണ്ടിടങ്ങളിലും ടാക്സ് അടച്ച ജീവനക്കാര്‍ക്ക് രണ്ട് സ്ഥാപനത്തില്‍ നിന്നും Form 16 ന്‍റെ Part A നല്‍കണം. Part B അവസാനം ജോലി ചെയ്ത സ്ഥാപനത്തില്‍ നിന്നും നല്‍കിയാല്‍ മതി. Part A യിലും B യിലും DDO ആണ് ഒപ്പ് വയ്ക്കേണ്ടത്. മെയ്‌ 31 നകം TDS Certificate നല്‍കാതിരുന്നാല്‍ വൈകിയ ഓരോ ദിവസത്തിനും 100 രൂപ വീതമാണ് പിഴ.
Form 16 ന്റെ Part A എങ്ങിനെയാണ് TRACES ൽ നിന്നും ഡൌണ്‍ലോഡ് ചെയ്യുന്നതെന്ന് നമുക്ക് നോക്കാം. ഇതിന് TRACES ൽ സ്ഥാപനത്തിന്റെ TAN രജിസ്റ്റർ ചെയ്യേണ്ടതുണ്ട്. രജിസ്റ്റർ ചെയ്തിട്ടുള്ളവർക്ക്‌ Username, Password, TAN Number എന്നിവ ഉപയോഗിച്ച് login ചെയ്യാം.
(TRACES ൽ രജിസ്റ്റർ ചെയ്യാത്തവർക്ക് അതിന് സഹായകമായ പോസ്റ്റിനു ഇവിടെ ക്ളിക്ക് ചെയ്യുക
TRACES വെബ്‌ സൈറ്റില്‍ പ്രവേശിക്കുന്നതിന് ഇവിടെ ക്ലിക്ക് ചെയ്യുക

Login ചെയ്‌താൽ ലഭിക്കുന്ന പേജിൽ "Download Form 16" ക്ലിക്ക് ചെയ്യുക. അല്ലെങ്കില്‍ "Downloads" ൽ ക്ളിക്ക് ചെയ്യുമ്പോൾ വരുന്ന dropdown menu വിൽ Form 16/16A ൽ ക്ളിക്ക് ചെയ്യുക.
അപ്പോൾ പുതിയ window തുറക്കും

സ്ഥാപനത്തിലെ എല്ലാവരുടെയും Form 16 ഡൌണ്‍ലോഡ് ചെയ്യാൻ Bulk PAN Download എന്നതിന് താഴെയുള്ള Financial Year ൽ 2015-16 എന്ന് എന്റർ ചെയ്യുക. തുടര്‍ന്ന് അടുത്തുള്ള "GO" ക്ലിക്ക് ചെയ്യുക. അപ്പോൾ പുതിയൊരു പേജ് തുറക്കും.
(എന്നാൽ ഏതാനും പേരുടെ മാത്രം Form 16 ലഭിക്കാൻ Search PAN എന്നതിന് താഴെയുള്ള Financial Year ചേർത്ത് ഓരോരുത്തരുടെ PAN അടിച്ചു ADD ചെയ്ത ശേഷം അതിനടുത്തുള്ള "GO" ക്ലിക്ക് ചെയ്യുക.)

Form 16 ൽ വരേണ്ട DDOയെ കുറിച്ചുള്ള വിവരങ്ങൾ ഈ പേജിൽ കാണാം. ഇവയെല്ലാം ശരിയെങ്കിൽ അതിലുള്ള "Submit" ക്ളിക്ക് ചെയ്യുക. (DDOയെ കുറിച്ചുള്ള വിവരങ്ങളിൽ എന്തെങ്കിലും മാറ്റങ്ങൾ വരുത്താനുണ്ടെങ്കിൽ "Cancel" ക്ളിക്ക് ചെയ്തു Profile പേജിൽ പോയി മാറ്റങ്ങൾ വരുത്തണം.) ഇതോടെ നാം പുതിയൊരു പേജിൽ എത്തുന്നു.

ഈ പേജിൽ പറഞ്ഞിരിക്കുന്ന Financial Year ലെ തന്നിരിക്കുന്ന Quarter ൽ ഫയൽ ചെയ്ത TDS return ന്റെ 15 അക്ക Provisional Receipt Number (Token Number)കള്ളിയിൽ ചേർക്കുക. അതിനു ശേഷം "Please select if the payment was made by book adjustment" എന്നതിന്റെ തുടക്കത്തിൽ ഉള്ള ബോക്സിൽ ക്ളിക്ക് ചെയ്ത് tick mark ഇടുക.

അതിന് താഴെ ആ Quarterലെ ഏതെങ്കിലും ഒരു മാസo തെരഞ്ഞെടുത്ത് ആ മാസം കുറച്ച ടാക്സും ഏതെങ്കിലും മൂന്ന് ജീവനക്കാരുടെ PAN നമ്പറും അവർ ആ മാസത്തിൽ അടച്ച ടാക്സും ചേർക്കേണ്ടതുണ്ട്. "Date on which tax deposited" എന്ന കള്ളിയിൽ ആ മാസത്തിന്റെ അവസാനദിവസം ചേര്ക്കുക. (ഉദാഹരണം: 31-Mar-2016.) അതിനു താഴെയുള്ള കള്ളികളിൽ 3 പേരുടെ (അല്ലെങ്കില്‍ ഉള്ളവരുടെ) PAN നമ്പറും അവർ കുറച്ച ടാക്സും ചേർക്കുക. (1000 രൂപയാണ് എങ്കിൽ 1000.00 എന്ന് ചേർക്കേണ്ടതുണ്ട്)
തുടർന്ന് "Proceed" ക്ളിക്ക് ചെയ്യുക. നാം കൊടുത്ത data Traces ലെ ഡാറ്റാബേസുമായി മാച്ച് ചെയ്യുന്നുവെങ്കിൽ നാം Download Request Confirmation പേജിൽ എത്തും.

ഇതോടെ ഫോം 16 നുള്ള അപേക്ഷ നൽകിക്കഴിഞ്ഞു. ഏതാനും സമയത്തിന് ശേഷം മാത്രമേ form 16 Available ആവുള്ളൂ. ഇനി നമ്മൾ അപേക്ഷിച്ചു കഴിഞ്ഞ Form 16 എങ്ങിനെ ലഭിക്കുമെന്ന് നോക്കാം. (ഇതിനു മിനിട്ടുകളോ മണിക്കൂറുകളോ കഴിയേണ്ടി വന്നേക്കാം.)
"Downloads" ൽ ക്ളിക്ക് ചെയ്താൽ വരുന്ന "Requested Downloads" ക്ളിക്ക് ചെയ്യുക. അപ്പോൾ പുതിയൊരു പേജ് തുറക്കും.
ഇതിൽ "View All" ഓപ്ഷന്‍ സെലക്ട്‌ ചെയ്ത് "Go" ക്ളിക്ക് ചെയ്യുക. ഇതോടെ പുതിയൊരു പേജ് തുറക്കുന്നു.
താഴെയുള്ള പട്ടികയിൽ Form 16 ന്റെ Request Number നു നേരെ Status എന്ന കോളത്തിൽ available എന്നാണ് കാണിക്കുന്നതെങ്കിൽ Form 16 ഡൌണ്‍ലോഡ് ചെയ്യാൻ തയ്യാറായി കഴിഞ്ഞു. ഇനി ആ വരി ക്ലിക്ക് ചെയ്ത് സെലക്ട്‌ ചെയ്യുക. (Status കോളത്തിൽ Submitted എന്നാണ് കാണുന്നതെങ്കിൽ ഇനിയും കാത്തിരിക്കേണ്ടി വരും) അതിനു ശേഷം താഴെയുള്ള "HTTP Download" എന്ന ലിങ്കിൽ ക്ളിക്ക് ചെയ്യുക. അതോടെ Form 16 ന്റെ Zipped File download ചെയ്യപ്പെടും.
ഈ zipped file കോപ്പി ചെയ്തു അതേപോലെ desktop ൽ paste ചെയ്യുക.
ഡൌണ്‍ലോഡ് ചെയ്ത ഈ ഫയലിൽ നിന്നും Form 16 pdf file ആയി ലഭിക്കാൻ "TRACES Pdf Generation Utility" TRACES സൈറ്റിൽ നിന്നും ഡൌണ്‍ലോഡ് ചെയ്യണം. ഇനി അത് എങ്ങിനെയെന്ന് നോക്കാം.
Tracesൽ login ചെയ്തു Downloads ൽ ക്ളിക്ക് ചെയ്യുമ്പോൾ വരുന്ന dropdown listൽ "Requested Downloads" ക്ലിക്ക് ചെയ്യുക. അപ്പോൾ പുതിയൊരു പേജ് തുറക്കും.
അതിൽ 'Attention Deductors' എന്നതിന് താഴെ വരിയിൽ കാണുന്ന 'Click Here' എന്നതിൽ ക്ളിക്ക് ചെയ്യുക. ഇതോടെ പുതിയൊരു പേജിൽ എത്തുന്നു.
ഈ പേജിലുള്ള 'Verification Code' അതിനു താഴെയുള്ള കള്ളിയിൽ ചേർത്ത് 'Submit' ക്ളിക്ക് ചെയ്യുക.
അപ്പോൾ തുറക്കുന്ന പേജിൽ TRACES Pdf Converter എന്ന ലിങ്കിൽ ക്ളിക്ക് ചെയ്യുക. അതോടെ TRACES Pdf converter ന്റെ zipped file ഡൌണ്‍ലോഡ് ആവും. കമ്പ്യൂട്ടറിലെ Desktop ലേക്ക് ഇത് കോപ്പി ചെയ്ത ശേഷം unzip ചെയ്യുക. TRACES Pdf Converter പ്രവർത്തിക്കണമെങ്കിൽ Java Software ആവശ്യമുണ്ട്. ഇല്ലെങ്കിൽ അത് ഇൻസ്റ്റാൾ ചെയ്യണം. ഇനി TRACES Pdf Converter എന്ന ഫോൾഡർ തുറക്കുക.
ഈ ഫോൾഡറിൽ കാണുന്ന "Run" doubleclick ചെയ്യുക. അപ്പോൾ TRACES Pdf Converter open ആവും.
ഇതിൽ Select Form 16 Zipped File എന്നതിന് നേരെയുള്ള കള്ളിയ്ക്കടുത്തുള്ള "Browse"ൽ ക്ളിക്ക് ചെയ്യുക. എന്നിട്ട് നാം നേരത്തെ desktopൽ ഇട്ട Form 16ന്റെ zipped file കൊണ്ടുവരിക.
Password for input file നു നേരെ TAN നമ്പർ password ആയി ചേർക്കുക.
Save to folder എന്നതിന് നേരെ browseൽ ക്ളിക്ക് ചെയ്തു എവിടെയാണ് Form 16 save ചെയ്യപ്പെടേണ്ടത് എന്ന് ചേർക്കുക.
എന്നിട്ട് ഏറ്റവും താഴെയുള്ള "Proceed" ക്ളിക്ക് ചെയ്യുക.
അപ്പോൾ തുറക്കുന്ന ഡയലോഗ് ബോക്സിൽ Do you want to continue without Digital signature എന്നതിന് താഴെ "Yes" ക്ളിക്ക് ചെയ്യുക.
അടുത്ത ബോക്സിൽ Starts pdf generation എന്നതിന് "OK" ക്ലിക്ക് ചെയ്യുക.
അപ്പോൾ 1 pdf generated successfully എന്ന message box വന്നാൽ Form 16ന്റെ pdf file നേരത്തെ നാം കൊടുത്ത സ്ഥലത്ത് സേവ് ചെയ്തിട്ടുണ്ടാവും.



TAX CALCULATOR FOR COLLEGE TEACHERS AND GOVT/PRIVATE SERVANTS

This Excel based Income tax calculator is designed to create Income tax statements relating to the financial year 2015-16 for Private and Government sector employees. It is packed with the special additional facility to meet the requirements of UGS scale employees. To download Income tax calculator click CONTINUE READING below these lines and start download by clicking download button. വരുമാന നികുതി കണക്കാക്കലും,  അവ നിര്‍ദ്ദേശിക്കുന്ന രൂപത്തില്‍ തയ്യാറാക്കി സമര്‍പ്പിക്കലും പൊതുവേ സാധാരണക്കാരനായ ഒരു ജീവനക്കാരനെ സംബന്ധിച്ചിടത്തോളം കീറാമുട്ടിതന്നെയാണ്. മാത്രമല്ല നികുതി കുറക്കുന്നതിനുതകുന്ന വ്യത്യസ്തങ്ങളായ നിക്ഷേപങ്ങളെപ്പറ്റിയുള്ള അജ്ഞതയും അനാവശ്യമായി നികുതി ബാധ്യത വര്‍ദ്ധിപ്പിക്കാന്‍ ഇടനല്‍കും.  ഒരു വിദഗ്ധ സഹായം തേടുന്ന പക്ഷം  വരുമാന നികുതിയുമായി ബന്ധപ്പെട്ട ഇടപാടുകളൊക്കെ നിര്‍ഭാഗ്യവശാല്‍ ചെലവേറിയ പ്രവര്‍ത്തനമായിപ്പോകാറുണ്ട്.  പൊതുവെ ഇത്തരം പ്രശനങ്ങളെ ലഘൂകരിക്കാന്‍ ഇന്ന് പ്രാദേശികമായി തന്നെ തയ്യാറാക്കുന്ന ടാക്സ്‌  ടൂളുകള്‍ നിലവിലുണ്ട്. 

2015-16 - സാമ്പത്തീക വര്‍ഷത്തെ (Assessment year 2016-17) വരുമാന നികുതി കണക്കാക്കി,  ഈ വരുന്ന ഫെബ്രുവരി മാസത്തില്‍ ട്രഷറിയിലും, ബന്ധപ്പെട്ട വകുപ്പ്തല ഓഫീസിലും മറ്റും സമര്‍പ്പിക്കേണ്ട രേഖകള്‍ തയ്യാറാക്കുന്നതിനുള്ള  ഇന്‍കം ടാക്സ് സോഫ്റ്റ്‌വെയര്‍കളെ ചുവടെ പരിചയപ്പെടുത്തുന്നു.   വരുമാന നികുതി കണക്കുകൂട്ടലുമായി ബന്ധപ്പെട്ട വിശദമായ കുറിപ്പ് സോഫ്റ്റ്‌വെയര്‍ ലിങ്കുകള്‍ക്കു ചുവടെ വായിക്കാവുന്നതാണ്.   EXCEL ല്‍ പ്രവര്‍ത്തിക്കുന്ന ഈ ടൂളുകളെ കൂടുതല്‍ പ്രയോജനക്ഷമമാക്കുന്നതിനും User friendly ആകുന്നതിനും ആവശ്യമായ വിലപ്പെട്ട നിര്‍ദ്ദേശങ്ങള്‍ എപ്പോഴും സ്വാഗതം ചെയ്യുന്നു. ടൂളുകള്‍ ഉപയോഗിക്കുന്നവരുടെ വ്യത്യസ്ത അഭിരുചി മുന്നില്‍ കണ്ട്  പല വ്യക്തികള്‍ തയ്യാറാക്കിയ സോഫ്റ്റ്‌വെയറുകള്‍ പരിചയപ്പെടുത്തുന്നു. കൂടുതല്‍  പതിപ്പുകള്‍ ലഭ്യമാകുന്ന മുറക്ക്  അവ പോസ്റ്റ്‌ ചെയ്യുന്നതാണ്.

കുറിപ്പ്
(ECTAX-2016-malayalam) ഫയല്‍ ഡൌണ്‍ലോഡ് ചെയ്യുംപോള്‍ എപ്പോഴും SAVE FILE എന്ന ഓപ്ഷന്‍ സ്വീകരിക്കണം. അതായത് ഫയല്‍ സേവ് ചെയ്തതിനു ശേഷമേ ഓപ്പണ്‍ ചെയ്യാന്‍ പാടുള്ളൂ. പലപ്പോഴും ഡൌണ്‍ലോഡ് ചെയ്ത് ലഭിക്കുന്ന ഫയല്‍ ZIP FORMAT ല്‍ ആയിരിക്കും.(അതായത് Excel  ഫയലല്ലാത്ത രൂപത്തില്‍ കണ്ടേക്കാം.) അത്തരം സാഹചര്യത്തില്‍ മാത്രം  അത് പ്രവര്‍ത്തിപ്പിക്കാന്‍ ഫയലിനെ UNZIP ചെയ്യുക എന്ന പ്രവര്‍ത്തനം നടത്തുക. അതിനായി ഫയല്‍ തുറക്കുന്നതിനു മുന്‍പ്  File icon ല്‍ Right click ചെയ്ത് 'Extract here' എന്ന്‍ നല്‍കുക . അതോടെ പുതിയ ഒരു folder സൃഷ്ടിക്കപ്പെടും. പുതിയ ഫോള്‍ഡര്‍ തുറന്നാല്‍ കാണുന്ന എക്സല്‍ ഫയലാണ് നികുതി statement തയ്യാറാക്കാന്‍ ഉപയോഗിക്കേണ്ടത്. ഇത്തരം സോഫ്റ്റ്‌വെയറുകള്‍ ഒരു കമ്പ്യൂട്ടറില്‍ ആദ്യമായി പ്രവര്‍ത്തിക്കുമ്പോള്‍ "Macro Enable" എന്ന ഒരു സാങ്കേതിക പ്രവര്‍ത്തനം ചെയ്യേണ്ടി വരും ആ പ്രവര്‍ത്തനം പരിചയമില്ലാത്തവര്‍ക്കുള്ള ഒരു വീഡിയോ സഹായി ഡൌണ്‍ലോഡ് ചെയ്യണമെന്നുണ്ടെങ്കില്‍ ഇവിടെ  ക്ലിക്ക് ചെയ്യുക 

1.  BABU VADUKKUMCHERY (ECTAX-2016-TAX CALCULATOR CUM FORM 10E CREATOR for UGC and Kerala , English & Malayalam menu based ).ഫെബ്രുവരിയില്‍ തയ്യാറാക്കേണ്ട Income tax Statment തയ്യാറാക്കുന്നതിന്.

CLICK HERE TO DOWNLOAD (Updated on 15-2-2016)

ഇതോടൊപ്പം നിലവിലുള്ള മറ്റു സോഫ്റ്റ്‌വെയര്‍ ലിങ്കുകള്‍ ചുവടെ :

 2. Software by SUDHEER KUMAR [EASY TAX 2016] CLICK HERE TO DOWNLOAD


 3. Software by SUDHEER KUMAR [RELIEF CALCULATOR 2016]  DOWNLOAD


4.  Software by SAFFEEQ M P TDS CONSULTANT 2016  DOWNLOAD

5.  Software by ABDU RAHIMAN EASY TAX 2016 DOWNLOAD

6.  Software by ABDU RAHIMAN RELIEF CALCULATOR  DOWNLOAD

ശമ്പള വരുമാനക്കാരന്‍ എങ്ങിനെ നികുതി കണക്കാക്കും ?

ഒരു ശമ്പള വരുമാനക്കാരനെ സംബന്ധിച്ചിടത്തോളം ഒരു പക്ഷെ നികുതി കണക്കാക്കേണ്ടത് അയാള്‍ തന്നെയാണെങ്കിലും പ്രായോഗികതലത്തില്‍ അത് അടക്കേണ്ടത് അവന്റെ ‘മുതലാളി’യാണെന്ന് പറയാം. Tax deducted at source (TDS) എന്ന പേരില്‍ വിശേഷിപ്പിക്കുന്ന ശമ്പള പിടുങ്ങലിലൂടെ സേവനദാദാവ്‌ ഈ പുണ്യകര്‍മ്മം നിരന്തരം ചെയ്തുകൊണ്ടിരിക്കും. ജീവനക്കാരന്‍ ഗണിച്ചെടുത്തു നല്‍കുന്ന നികുതി തുക ശരിയാണെന്ന് ലഭ്യമായ തെളിവുകളുടെ അടിസ്ഥാനത്തില്‍ ഉറപ്പു വരുത്തേണ്ട ജോലിയും, അവ വര്‍ഷാന്ത്യത്തില്‍ മാത്രം അടക്കുക എന്ന ‘സ്വഭാവദോഷം’ ഉണ്ടെങ്കില്‍ അത് തിരുത്തി വകുപ്പ് നിര്‍ദ്ദേശിക്കുന്ന വിധത്തില്‍ സമയാസമയങ്ങളില്‍ ഗഡുക്കള്‍ ആയി അടപ്പിക്കേണ്ട ചുമതലയും നിര്‍ഭാഗ്യവശാല്‍ ‘പാവം മുതലാളി’ യുടെ ജോലിയായി മാറുന്നു. ഈ സാമ്പത്തീക വര്‍ഷത്തില്‍ (2015 April മുതല്‍ 2016 March 31വരെ) ലഭിച്ച ശമ്പളമടക്കമുള്ള  എല്ലാ വരുമാനവും ചേര്‍ത്ത്, അനുവദനീയമായ ഇളവുകള്‍ക്ക് ശേഷം അത് മാസ ഗഡുക്കളായി അടക്കുന്നതിനിടയില്‍, അതിന്റെ ഏറ്റവും അവസാന മാസമായ മാര്‍ച്ചില്‍ അടക്കുമ്പോള്‍ അത് അണ-പൈ വ്യത്യാസമില്ലാതെ അടക്കുന്നു എന്ന്‍ ഉറപ്പ് വരുത്തേണ്ടതും പുണ്യമാസമായ മാര്‍ച്ചില്‍ തന്നെ.
ഇതിനിടെ പൊന്തി വരാന്‍ സാധ്യതയുള്ള ചോദ്യം മാര്‍ച്ച് 31 നു മുന്‍പ് ചെയ്യേണ്ട ഈ ‘അന്ത്യകര്‍മ്മം’ എന്തിനു ഫെബ്രുവരിയില്‍ തന്നെ നടത്തുന്നു എന്നായിരിക്കും. ശുഭസ്യ ശീഖ്രം എന്ന് കാര്‍ന്നവന്മാര്‍ പറഞ്ഞു പോന്നതിനെ അക്ഷരം പ്രതി അനുസരിക്കുകയാണിവിടെ എന്ന്‍ കരുതേണ്ടതില്ല. കാരണം മറ്റൊന്നാണ്.  2015 ഏപ്രില്‍ ഒന്ന് മുതല്‍ 2016 മാര്‍ച്ച് 31 വരെയുള്ള വരുമാനം കണക്കാക്കിയാണ് നികുതി അടക്കേണ്ടതെന്നു നേരത്തെ പറഞ്ഞുവല്ലോ, എന്നാല്‍ പൊതുവേ ജീവനക്കാരന്‍റെ 2015 എപ്രിലില്‍ ലഭിക്കുന്ന വേതനം 2015 മാര്‍ച്ചില്‍ ചെയ്ത ജോലിയുടെതാണല്ലോ അതുപോലെ 2016 മാര്‍ച്ചില്‍ വാങ്ങുന്ന വേതനം 2016 ഫെബ്രുവരിയില്‍ ചെയ്ത ജോലിയുടെതുമായിരിക്കും അതുകൊണ്ട്തന്നെ കാലഘട്ടത്തെ പുനര്‍വ്യാഖ്യാനം ചെയ്ത് ‘2015 മാര്‍ച് മുതല്‍ 2016 ഫെബ്രുവരി വരെയുള്ള ശമ്പളത്തിന്റെ’ എന്നാക്കി മാറ്റി ചിലര്‍. വ്യാഖ്യാനം എന്തായാലും 2015 ഏപ്രില്‍ ഒന്നുമുതല്‍  2016 മാര്‍ച്ച് 31 വരെ കിട്ടിയ വരുമാനതുകയും നിക്ഷേപ തുകയും അല്ലാതെ ഒരു ശില്ലിക്കാശുപോലും കണക്കുകൂട്ടലുകള്‍ക്കിടയില്‍ കയറിപ്പോകാതെയും വിട്ടുപോകാതെയും നോക്കേണ്ടതുണ്ട്. മറ്റൊരു കാര്യം ജീവനക്കാരന്‍ നികുതി നല്‍കേണ്ടത് തന്റെ ശമ്പള വരുമാനം മാത്രം നോക്കിയല്ല മറിച്ച് ശമ്പളമടക്കമുള്ള എല്ലാ വരുമാനവും ചേര്‍ത്ത തുകയിന്മേലാണ്. അതിനായി അയാള്‍ തന്റെ വരുമാനത്തിന്റെ വിശദാംശങ്ങള്‍ മുഴുവന്‍ ഉള്‍പ്പെടുത്തി അതില്‍ നിന്നും നിലവിലുള്ള നിയമപ്രകാരം കുറക്കാവുന്ന ഇളവുകളും അത് ബോധ്യപ്പെട്ടുത്താനുള്ള രേഖകളും തയ്യാറാക്കി മേലധികാരിക്കു സമര്‍പ്പിക്കുന്ന രേഖയാണ് Income tax statement. ഇതിനു ഒരു നിര്‍ദ്ധിഷ്ട ഫോര്‍മാറ്റ് ഇല്ല എന്നതാണ് ഖേദകരം. അതുകൊണ്ട് തന്നെ പല ദിക്കുകളിലും പല അവതാരങ്ങളായി അവന്‍ ജന്മമെടുക്കും. വരുമാനത്തെ 5 തലക്കെട്ടുകളിലാണ് ഉള്‍പ്പെടുത്തേണ്ടത്.
1.      ശമ്പള വരുമാനം
2.     വീട് വാടകക്കു നല്‍കി ലഭിക്കുന്ന വരുമാനം
3.     കച്ചവടത്തില്‍ നിന്നോ പ്രൊഫഷനല്‍ തൊഴിലില്‍ നിന്നോ ഉള്ള വരുമാനം
4.     മൂലധന വര്‍ധന വരുമാനം
5.     മറ്റു ഉറവിടങ്ങളില്‍നിന്നുള്ള വരുമാനം.
മേല്‍ പറഞ്ഞ വരുമാനങ്ങലെല്ലാം ചേര്‍ത്ത് അതില്‍ നിന്നും അനുവദനീയമായ എല്ലാ കിഴിവുകളും കുറച്ചു ബാക്കി വരുന്ന വരുമാനത്തെ ടാകസബിള്‍ ഇന്‍കം എന്ന് പറയാം. സാങ്കേതികമായി അതിനു ടോട്ടല്‍ ഇന്‍കം എന്നും പേരുണ്ട്. ടോട്ടല്‍ എന്നാല്‍ ഗ്രോസ് അല്ലാ എന്നും മറിച്ച് കിഴിവുകള്‍ക്ക് ശേഷമുള്ളത് എന്നും തിരുത്തി ചിന്തിക്കാതെ നിവര്‍ത്തിയില്ല. ഈ വരുമാനം (Taxable Income) 2.5 ലക്ഷത്തില്‍ താഴെയാണെങ്കില്‍ ഇത്തവണ നികുതി നല്‍കേണ്ടതില്ല. എന്നാല്‍ പരിധി കടന്നാല്‍ ചുവടെ കാണുന്ന രീതിയില്‍ നികുതി കണക്കാക്കണം.
2015-16 ലെ വരുമാന നികുതി നിരക്കുകള്‍
Ordinary Citizens
Senior Citizens    (60-79 Age group)
Super Senior Citizens (Age 80 or above)
Upto Rs. 2,50,000 - Nil
Upto Rs. 3,00,000 - Nil
Upto Rs. 5,00,000 - Nil
2,50,000 To 5,00,000 - 10%
3,00,000 To 5,00,000 - 10%
5,00,000 To 10,00,000 - 20%
5,00,000 To 10,00,000-20%
5,00,000 To 10,00,000 - 20%
Above 10,00,000 - 30%
Above 10,00,000 - 30%
Above 10,00,000 - 30%


നികുതി സ്റെറെമെന്റ്റ് ന്റെ ഒരു കരടു രൂപം ചുവടെ കാണിച്ചിരിക്കുന്നു. അവയുടെ വിശദീകരണങ്ങളും താഴെ നല്‍കുന്നുണ്ട്.
Sl No
Particulars
Amount
1
SALARY INCOME
(ശമ്പള രൂപത്തില്‍ എല്ലാ വരുമാനവും അടക്കം)
XXXX
2
LESS ALLOWANCE EXEMPTED
XXXX
3
LESS PROFESSION TAX
XXXX
4
ADD OTHER INCOMES :-
(Income from house property, Profits from business or earnings from Profession,  Capital Gain,  Other source Income.)
XXXX
5
GROSS TOTAL INCOME (1-2-3+4)
XXXX
6
LESS CHAPTER VI A DEDUCTIONS :-
1.      1.5 ലക്ഷം വരെ ഇളവ് ലഭിക്കുന്ന നിക്ഷേപങ്ങളും ചെലവുകളും (80C, 80CCC, 80CCD വകുപ്പില്‍ വരുന്നവ)
2.       1.5 ലക്ഷം രൂപക്ക് മേലെ ഇളവ് ലഭിക്കുന്ന നിക്ഷേപങ്ങളും ചെലവുകളും
XXXX
7
TOTAL INCOME OR TAXABLE INCOME (5-6)
XXXX
8
INCOME TAX (Rebate, Relief, Cess എന്നിവയ്ക്ക് മുന്‍പ്)
XXXX
9
LESS 87-A Rebate (5 ലക്ഷം വരെ ടാക്സബിള്‍ വരുമാനമുള്ളവര്‍ക്ക് മാത്രം)
XXXX
10
Add Education Cess /Surcharge

11
Less 89(1) Relief for Arrears of salary

12
Total Tax due (8-9+10-11)

13
LESS TDS from salary (already deducted), Other income TDS
XXXX
14
LESS ADVANCE TAX PAID (Tax paid directly through bank)
XXXX
15
BALANCE OF TAX DUE (as TDS from February Salary) (12-13-14)
XXXX

1.           SALARY INCOME
ഇതില്‍ അടിസ്ഥാന ശമ്പളവും എല്ലാ DA അടക്കമുള്ള  എല്ലാവിധ അലവന്‍സുകള്‍, ലീവ് സറണ്ടര്‍, ഉത്സവ ബത്ത, ബോണസ്, പണമായി ലഭിച്ചതും PF ല്‍ ഉള്‍പ്പെടുത്തിയതുമായ  വിധ കുടിശ്ശികകള്‍, ജീവനക്കാരന്റെ പേരില്‍ തൊഴില്‍ ദാദാവ്‌ അടച്ച NPS ഗഡുക്കള്‍, മറ്റു Perquisits എന്നിവ ഉള്‍പ്പെടുന്നു.
Medical reimbursement: ഒരു ജീവനക്കാരന് തന്‍റെയോ കുടുംബാങ്ങളുടെയോ പേരിലുള്ള ചികിത്സാ ചിലവ് വന്നതിനു മെഡിക്കല്‍ റീ ഇമ്പെഴ്സ്മെന്റ്റ് ലഭിച്ചിട്ടുണ്ടെങ്കില്‍ അതില്‍ ഇളവിന് ശേഷമുള്ള തുക Perquisits എന്ന പേരില്‍ സാലറി വരുമാനമായി ഉള്‍പ്പെടുത്തണം. പരമാവധി 15000 രൂപയാണ് ഇളവായി ലഭിക്കുക. ഉദാ: 15700 രൂപയാണ് reimbursement എങ്കില്‍ 700 രൂപ വരുമാനമായി ഉള്‍പ്പെടുത്തണം, 12000 രൂപയാണ് reimbursement എങ്കില്‍ മുഴുവന്‍ തുകയും ഇളവായി ലഭിക്കും.
2.           LESS ALLOWANCE EXEMPTED

ശമ്പളത്തിന്റെ ഭാഗമായി ലഭിക്കുന്ന ചില അപൂര്‍വ്വം അലവന്‍സുകള്‍ക്ക് വരുമാനനികുതി ഇളവു നല്‍കുന്നുണ്ട്. അവ ചുവടെ :-

ഒന്‍പതു പേജ് അടങ്ങുന്ന വിശദമായ PDF കുറിപ്പ് (HOW TO CALCULATE INCOME TAX) ഡൌണ്‍ലോഡ് ചെയ്യാന്‍ 
CLICK HERE TO DOWNLOAD













ഒന്നര ലക്ഷത്തിനു മേല്‍ വരുമാനനികുതി ഇളവു നല്‍കുന്ന നിക്ഷേപ പദ്ധതിയുണ്ടോ ? 

താരതമ്യേന ആകര്‍ഷകമായ വേതനവ്യവസ്ഥകളും മത്സരിച്ചു ക്ഷാമബത്തയും നല്‍കി ഭരണകൂടങ്ങള്‍ തങ്ങളുടെ ജീവനക്കാരനെ പുളകിതനാക്കുമ്പോഴും വരുമാനനികുതിയുടെ കാര്യത്തില്‍ ആനുപാതികമായ ഇളവുകള്‍ നല്‍കുന്ന കാര്യത്തില്‍ എന്തുകൊണ്ടോ അവര്‍ അത്രത്തോളം ഉത്സാഹംകാണിച്ചുകണ്ടിട്ടില്ല. അതുകൊണ്ട്തന്നെ അവന്‍റെ മടിശ്ശീലയിലെ തുട്ടുകളുടെ വലിയ പങ്കും തിരികെ വരുമാനനികുതിയുടെ പേരും പറഞ്ഞു പിടുങ്ങുന്നത് കാണുമ്പോള്‍ പകച്ചുനില്‍ക്കേണ്ട ഗതികേടിലാണ് പലരും. പൊതുവേ ശരാശരിക്കുമെലെ ശമ്പളവരുമാനം നേടുന്നവര്‍ താടിക്ക് കയ്യും കൊടുത്ത് ചോദിക്കാറുള്ള ഒരു ചോദ്യമുണ്ട്, “ഒന്നര ലക്ഷത്തിനു മേല്‍ വരുമാനനികുതി ഇളവു നല്‍കുന്ന നിക്ഷേപ പദ്ധതിയുണ്ടോ ?”

തീര്‍ച്ചയായും ഉണ്ട്. നാഷണല്‍ പെന്‍ഷന്‍ സിസ്റ്റം (NPS) എന്നപേരില്‍ പരിചിതമായി വരുന്ന ഒരു പദ്ധതിയാണിത്. ഒരു പക്ഷെ ഈ സാമ്പത്തീക വര്‍ഷത്തിന്‍റെ ഒടുവില്‍, നികുതി ഭാരം മൂലമുള്ള പ്രാണവേദനയുടെ അമൂര്‍ത്തമായ മൂര്‍ദ്ധന്യ നിമിഷത്തില്‍ ഏറ്റവും കൂടുതല്‍ ചര്‍ച്ച ചെയ്യപ്പെടാന്‍ സാധ്യതയുള്ളതും ‘യെവന്‍’ ആയിരിക്കും. പ്രാണവേദനക്കുള്ള ഒറ്റമൂലി എന്ന നിലയിലാണോ എന്ന് തോന്നിപ്പിക്കും വിധം ഇവന് PRAN എന്ന ഇരട്ടപ്പേരും ചാര്‍ത്തിക്കിട്ടിയിട്ടുണ്ട്.

1. Contributory pension ആനുകൂല്യം നേടുന്നവര്‍ക്ക് മാത്രം ചര്‍ച്ച ചെയ്യപ്പെടാന്‍ വകുപ്പുള്ള ഒന്നാണോ NPS ?
2.  ‘തല്‍ക്കാല ഉളുക്ക്നിവാരണി’ എന്ന രീതിയില്‍ ഇവന്‍ പരീക്ഷിച്ചാല്‍, ചില അലോപ്പതി മരുന്നുകള്‍ക്കുള്ളതുപോലെ, ഭാവിയില്‍ പാര്‍ശ്വഫലങ്ങള്‍ ഉളവാക്കുമോ?

എന്നിങ്ങനെയുള്ള ഒരുപാട് ചോദ്യങ്ങള്‍ സ്വാഭാവികമായും പൊന്തിവരാം. സാങ്കേതിക പദങ്ങള്‍ നിരത്തി പഴുതുകളടച്ച് പൂര്‍ണ്ണത വരുത്തും വിധം വിവരിക്കാതെ പരിമിതികള്‍ കാണാമെങ്കിലും സാധാരണക്കാരന്‍റെ ഭാഷയില്‍ കുറിക്കാന്‍ ശ്രമിക്കുകയാണ് ചുവടെ. 
എന്താണ് NPS
കേന്ദ്ര സര്‍ക്കാര്‍ ആവിഷ്കരിച്ച പുതിയ പെന്‍ഷന്‍ പദ്ധതിയാണ് NPS. ഈ പദ്ധതി പ്രകാരം 2004 ജനുവരിക്കുശേഷം നിയമിക്കപ്പെട്ട ഓരോ പുതിയ ജീവനക്കാരനും തന്‍റെ നിയമനവേളയില്‍തന്നെ ഈ വിരമിക്കല്‍ ആനുകൂല്യ പദ്ധതിയില്‍ അംഗമാകേണ്ടതുണ്ട്. ജോലിയില്‍ പ്രവേശിച്ച മാസം മുതല്‍ വിരമിക്കുന്നത് വരെ ഇത്തരം ജീവനക്കാര്‍ മാസം തോറും നിശ്ചിത തുക NPS അക്കൊണ്ടില്‍ അടക്കണം. വിരമിക്കുന്ന സന്ദര്‍ഭത്തില്‍ ഈ നിക്ഷേപം അവന്‍റെ തുടര്‍ന്നുള്ള ജീവിതോപാധി എന്ന നിലയില്‍ വിനിയോഗിക്കാന്‍ കഴിയും എന്നാണു വിവക്ഷിക്കുന്നത്. 2004 ജനുവരിക്കുശേഷം നിയമിക്കപ്പെട്ട സംസ്ഥാന സര്‍ക്കാര്‍ ജീവനക്കാര്‍ക്ക് ശമ്പളത്തിന്റെ (Pay+DA) 10% തുക ഗവര്‍മെണ്ട് വിഹിതമെന്ന (Employer contribution) നിലയില്‍ നല്‍കുന്നുണ്ട്. ഒരാള്‍ ഈ പദ്ധതിയില്‍ അംഗമാകുന്നതോടെ അദ്ദേഹത്തിനു ഒരു Personal Pension Account Number (PPAN) അഥവാ PRAN അനുവദിച്ചു നല്‍കും. ജീവിതകാലം മുഴുവന്‍ ഈ നമ്പര്‍ അവന്‍റെ പേരില്‍ മാറ്റമില്ലാതെ തുടരും. അദ്ദേഹം നിലവിലുള്ള ജോലി ഉപേക്ഷിച്ചു മറ്റു ജോലിയില്‍ പ്രവേശിക്കുംപോഴും സ്വയം തൊഴിലില്‍ ഏര്‍പ്പെടുമ്പോഴും ഇതേ നമ്പറില്‍ തന്നെയായിരിക്കും തുടര്‍ന്നു വരുന്ന അടവുകള്‍ പോകുന്നത്.
 NPS നിഷേപങ്ങള്‍ പുതിയ ജീവനക്കാര്‍ക്ക് മാത്രമോ ?
 1-4-2009 നു ശേഷം ഈ പദ്ധതിയില്‍ ചേരാനുള്ള അവസരം മേല്‍പ്പറഞ്ഞ ജീവനക്കാര്‍ക്ക് പുറമേ ഏതുതരം പൗരനും സാധിക്കും വിധം പരിഷ്കരിക്കപ്പെട്ടു. അതുകൊണ്ട് തന്നെ നിലവില്‍ EPF പദ്ധതിയുടെ ആനുകൂല്യം ലഭിക്കുന്ന പഴയ ജീവനക്കാരനും താത്പര്യമുള്ളപക്ഷം NPS പദ്ധതിയില്‍ നിക്ഷേപം നടത്താവുന്നതാണ്. രണ്ടു വഞ്ചിയിലും കാലുവച്ചുള്ള ഈ യാത്രയില്‍ ഭയപ്പെടേണ്ട കാര്യമൊന്നുന്നുമില്ലെങ്കിലും സംസ്ഥാന സര്‍ക്കാര്‍ ജീവനക്കാരന്‍റെ കാര്യത്തിലാണെങ്കില്‍ മുന്‍പ് EPF പദ്ധതിയില്‍ ഉള്‍പ്പെട്ടിട്ടുള്ളവര്‍ക്ക് പിന്നീട് NPS നിക്ഷേപം കൂടി നടത്തുന്നപക്ഷം Employer contribution ലഭിക്കില്ലെന്ന വിവരം പ്രത്യേകം പറയേണ്ടതില്ലല്ലോ.
 വരുമാനനികുതി ഇളവുകളും NPS ഉം.
 NPS പദ്ധതിയിലെ Employer contribution സംബന്ധമായ നികുതി ആനുകൂല്യങ്ങളും Employee contribution സംബന്ധമായ നികുതി ആനുകൂല്യങ്ങളും പരിഗണിക്കുന്നത് വ്യത്യസ്തമായ രീതിയിലാണ്.
 Employer contribution ഉം നികുതി ആനുകൂല്യങ്ങളും 
ജീവനക്കാരന്‍റെ പേരില്‍ തൊഴില്‍ ദാദാവ്‌ അടക്കുന്ന മുഴുവന്‍ തുകയും (Employer contribution) നികുതിവിമുക്തമാണ്. ഈ പറഞ്ഞ കാര്യത്തില്‍ രണ്ടു വസ്തുതകള്‍ ശ്രദ്ധിക്കേണ്ടതുണ്ട്. ഒന്ന്‍ ജീവനക്കാരന്‍ നികുതി കണക്കുകള്‍ നല്‍കുമ്പോള്‍ Employer contribution വരുമാനത്തില്‍ perquisites എന്ന പേരില്‍ ഉള്‍പ്പെടുത്തിയതിനുശേഷം വകുപ്പ് 80CCD(2) പ്രകാരം പിന്നീട് കുറയ്ക്കുകയാണ് വേണ്ടത്. അതായത് ആദ്യം ഗ്രോസ് ശമ്പളം വര്‍ദ്ധിക്കുകയും പിന്നീട് ഇളവായി കുറച്ചുകാണിക്കുകയും ചെയ്യണം. രണ്ടാമത്തെ കാര്യം തൊഴില്‍ദാദാവ്‌ നല്‍കുന്ന വിഹിതത്തിനു ലഭിക്കുന്ന നികുതി ഇളവ് ശമ്പളത്തിന്റെ (Pay+DA) 10% നുള്ളില്‍ വരുന്ന തുകക്കു മാത്രമായി പരിമിതപ്പെടുത്തിയിട്ടുണ്ട് എന്നതാണ്. നമ്മുടെ സര്‍ക്കാര്‍ ജീവനക്കാരനെ സംബന്ധിച്ചിടത്തോളം ആവശ്യമായ തുക മാത്രമാണ് ഇങ്ങനെ സര്‍ക്കാര്‍ വിഹിതമായി അനുവദിക്കുന്നത് എന്നതിനാല്‍ ‘ഭയപ്പെടേണ്ട’ കാര്യമില്ല.
 ജീവനക്കാരന്‍റെ അടവുകളും (Employee contribution) വരുമാന നികുതി ഇളവുകളും. 
നിലവില്‍ ചാപ്റ്റര്‍ VI- A യില്‍ ഉള്‍പ്പെടുന്ന 80C, 80CCC, 80CCD വകുപ്പുകള്‍ പ്രകാരം ഒരുജീവനക്കാരനു പരമാവധി ലഭിക്കാവുന്ന നികുതി കിഴിവ് ഇപ്പോള്‍ 1.5 ലക്ഷമാണല്ലോ. എന്നാല്‍ 2015-16 സാമ്പത്തീക വര്‍ഷത്തില്‍ ഏര്‍പ്പെടുത്തിയ പുതിയ വകുപ്പ് (80CCD(1B) പ്രകാരം കൂടുതലായി 50000 രൂപ കൂടെ NPS പദ്ധതിയില്‍ നിക്ഷേപിച്ചുകൊണ്ട് മൊത്തം ഇളവു രണ്ടു ലക്ഷം വരെയായി ഉയര്‍ത്താന്‍ തന്ത്രപൂര്‍വ്വം കഴിയും. ഇങ്ങനെ പറയുമ്പോള്‍ പൊതുവേ ഉണ്ടാകാന്‍ സാധ്യതയുള്ള സംശയങ്ങള്‍ക്ക് ചുവടെ കാണുന്ന വരികള്‍ ഉത്തരം നല്‍കിയേക്കാം.

 1. ഒന്നര ലക്ഷം രൂപക്കുമെലെ ലഭിക്കുന്ന 50000 രൂപ വരെയുള്ള പ്രത്യേക കിഴിവ് നേടാന്‍ NPS പദ്ധതിയില്‍ തന്നെ വ്യക്തിപരമായി (Employee contribution) പണം നിക്ഷേപിക്കേണ്ടതുണ്ട്.

2. 80C, 80CCC എന്നീ വകുപ്പ് പ്രകാരം LIC, Provident Fund, NSC, PPF, SLI, GI, Tax Saving FD, Housing Loan Principal repayment, Tuition Fee payment എന്നിവ നടത്തിയ ഒരാള്‍ ഇങ്ങനെ 1.5 ലക്ഷം രൂപയുടെ നിക്ഷേപ പരിധി കഴിഞ്ഞിരിക്കുന്ന സാഹചര്യത്തില്‍, ഇതു വരെയും NPS പദ്ധതിയില്‍ അംഗമായിട്ടില്ലെങ്കില്‍ പോലും ഇപ്പോള്‍ തന്നെ ഇത്തരം നിക്ഷേപം നടത്തി, കൂടുതലായുള്ള 50000 രൂപ വരെയുള്ള വരുമാന നികുതി ഇളവു നേടാം. ഒരുവന്‍ ഇതിനകം EPF പദ്ധതിയില്‍ ചേര്‍ന്നിട്ടുള്ള ആളാണ്‌ എന്നത്പോലും അവനെ ഒരു നിലക്കും നികുതി ഇളവു നേടുന്നതില്‍ അയോഗ്യനാകുന്നില്ല !

 3. NPS പദ്ധതിയില്‍ മാത്രമായി ഒരാള്‍ 1.5 ലക്ഷം രൂപ (Employee contribution) നിക്ഷേപിച്ചിട്ടുണ്ടെങ്കില്‍ തന്നെ അയാള്‍ക്ക് കൂടുതലായി 50000 രൂപ വരെ വീണ്ടും നിക്ഷേപിച്ച് മൊത്തം 2 ലക്ഷം രൂപയുടെ വരെ ഇളവ് നേടാം. ഇവിടെ കൂടുതലായി നിക്ഷേപിക്കുന്ന 50000 രൂപ ശമ്പളത്തിന്റെ (pay+DA) 10% നു മേലെ പോയാല്‍പോലും അത് 80CCD(1B) പ്രകാരം ഈ വര്‍ഷം മുതല്‍ ഇളവിന് തടസ്സമുണ്ടാക്കുന്നതല്ല.

 4. Employee contribution എന്ന നിലയില്‍ ജീവനക്കാരന്‍ അടക്കുന്ന തുകയായ 1.5 ലക്ഷം രൂപയുടെയും(80CCD) കൂടുതാലായി നിക്ഷേപിക്കാവുന്ന 50000 രൂപയുടേയും80CCD(1B) നികുതിയിളവിന് പുറമെയാണ് Employer contribution നു ലഭിക്കുന്ന ഇളവ്( 80CCD(2)). അതായത് Employer contribution തുക രണ്ടു ലക്ഷം പരിധിക്കുള്ളില്‍ ഉള്‍പ്പെടുന്നില്ലെന്നു സാരം.
 NPS പദ്ധതിയും പരിമിതികളും 
കാര്യങ്ങള്‍ ഈ പറഞ്ഞ വിധമാണെങ്കിലും കണ്ണുമടച്ച് നിക്ഷേപിക്കാവുന്ന ഒരു മേഘലയായി NPS നെ കാണാന്‍ കഴിയില്ല. ദീര്‍ഘവീക്ഷ്ണത്തോടെ കാര്യങ്ങള്‍ നോക്കിക്കണ്ടുവേണം ഒരാള്‍ ഇവിടെ നീങ്ങേണ്ടത്. വളരെ വിശദീകരിച്ചു പറയേണ്ട ഒരു വിഷയമാണിതെങ്കിലും ഒരു സാധാരണക്കാരന്‍റെ ഭാഷയില്‍ പറഞ്ഞാല്‍ ചുവടെ കാണുന്ന വസ്തുതകള്‍ മനസ്സില്‍ വക്കുന്നത് നന്നായിരിക്കും:-
 1. NPS അക്കൊണ്ടില്‍നിന്നു 60 വയസ്സ് പൂര്‍ത്തീകരിക്കുന്നതിന് മുന്‍പ് നിക്ഷേപ സംഖ്യ ഭാഗീകമായി പോലും പിന്‍വലിക്കുന്നതിന് തടസ്സങ്ങളുണ്ട്

 2. സാധാരണ ഗതിയില്‍ 60 വയസ്സ് പൂര്‍ത്തീകരിക്കുമ്പോള്‍ NPS നിക്ഷേപത്തിന്‍റെ 60 ശതമാനം പിന്‍വലിക്കാം. ബാക്കി 40 ശതമാനം ഓരോരുത്തരുടേയും വ്യത്യസ്തമായ താത്പര്യങ്ങള്‍ മുന്നില്‍ കണ്ട് Annuity scheme കളില്‍ അടക്കപെടുന്നു. ഈ പദ്ധതികളില്‍ നിന്നുള്ള വരുമാനം മാര്‍ക്കറ്റിലെ സാമ്പത്തീക അവസ്ഥയുടെ ലാഭനഷ്ടങ്ങള്‍ക്കനുസരിച്ച് കൂടുകയോ കുറയുകയോ ചെയ്യാം.

 3. NPS നിക്ഷേപങ്ങള്‍ അത് അടക്കുന്ന വര്‍ഷങ്ങളില്‍ നികുതിയിളവു നല്‍കുമെങ്കിലും തിരികെ ലഭിക്കുന്ന സമയത്ത് പൂര്‍ണ്ണമായും നികുതി വിധേയമാണ്. ഉദാഹരണത്തിന് 60 വയസ്സില്‍ നിക്ഷേപസംഖ്യയുടെ ഭാഗീകമായ തിരിച്ചുവാങ്ങല്‍ എന്ന രീതിയില്‍ മുതലും പലിശയുമാടക്കം 20 ലക്ഷം രൂപ ഒരാള്‍ക്ക് കിട്ടിയെന്നിരിക്കുക. അദ്ദേഹം ആ സന്ദരഭത്തില്‍ തന്‍റെ മറ്റു വരുമാനത്തോടൊപ്പം 20 ലക്ഷം രൂപ കൂടി കൂട്ടി ആ വന്‍ വരുമാനത്തിന്‍മേലാണ് അന്നത്തെ നിരക്ക് വച്ച് നികുതി നല്‍കേണ്ടിവരിക! അതേസമയം EPF നിക്ഷേപം അത് നടത്തുന്ന സന്ദര്‍ഭത്തില്‍ നികുതിയിളവ് നല്‍കുകയും അതേ സമയം അതില്‍നിന്നുള്ള പലിശ നേടുന്ന സന്ദരഭത്തിലും തിരികെ ലഭിക്കുന്ന വേളയിലും നികുതിയുടെ പരിധിയില്‍ വരില്ലെന്നതുമോര്‍ക്കേണ്ടതുണ്ട്.

 4. NPSല്‍ നിര്‍ബന്ധ നിക്ഷേപമെന്ന രീതിയില്‍ മാസം തോറും ചുരുങ്ങിയത് 500 രൂപയോ അല്ലെങ്കില്‍ വര്‍ഷത്തില്‍ ചുരുങ്ങിയത് 6000 രൂപയോ നിക്ഷേപിക്കേണ്ടതായുണ്ട്.

5. മാര്‍ക്കറ്റിലെ ലാഭനഷടങ്ങള്‍ക്കനുസരിച്ച് വരുമാനത്തിന് ഏറ്റക്കുറച്ചിലുകള്‍ ഉണ്ടാകാം എന്നതുകോണ്ടുതന്നെ കൃത്യമായ നിരക്കിലുള്ള (ഉദാ: 8%) ഒരു ഉറപ്പുള്ള വരുമാനം വാര്‍ദ്ധക്യകാലത്ത് ഗ്യാരണ്ടിയായി നല്‍കാന്‍ NPS പദ്ധതിക്ക് കഴിയുമോ എന്നത് സംശയമാണ്. അതേ സമയം അനുകൂലമായ സാമ്പത്തീകാവസ്ഥ നിലവിലുള്ള സാഹചര്യത്തില്‍ EPF നെ അപേക്ഷിച്ച് വളരെ ഉയര്‍ന്ന വരുമാനവും നേടാന്‍ അവസരമുണ്ട്.

 LIC, HDFC, IDBI, ICICI തുടങ്ങി ഒരുപാട് ധനകാര്യ കമ്പനികള്‍ NPS പദ്ധതി വാഗ്ദാനം ചെയ്യുന്നുണ്ട്. നിക്ഷേപ സന്ദരഭത്തില്‍ ലഭിക്കുന്ന താത്കാലിക നേട്ടത്തിനപ്പുറം ദീര്‍ഘവീക്ഷണത്തോടെ കാര്യങ്ങള്‍ നോക്കിക്കാണുന്ന ഒരാള്‍ക്ക് NPS നിക്ഷേപ പദ്ധതി തീര്‍ച്ചയായും ആശ്വാസം തരും. അതിനുപകരം ഉളുക്ക് ചികിത്സപോലെ അശ്രദ്ധമായ രീതിയില്‍ കൈകാര്യം ചെയ്യുന്ന പക്ഷം വാര്‍ദ്ധക്യകാലത്ത് ഉണ്ടാകാനിടയുള്ള തലവേദനക്ക് മറുമരുന്നുതേടി അലയേണ്ടി വരുമെന്നതും ഓര്‍ക്കുക.
കുറിപ്പ് : ഈ ലേഖനം തുര്‍ടന്നുണ്ടാകാന്‍ പോകുന്ന ചച്ചകള്‍ക്ക് ശേഷം പരിഷ്കരിക്കുന്നതായിരിക്കും. നിര്‍ദ്ദേശങ്ങള്‍ babuvadukkumchery@gmail.com എന്ന മെയില്‍ ID ല്‍ നല്‍കുക. പരിഷ്കരിച്ച കുറിപ്പ് ഡൌണ്‍ലോഡ് ചെയ്യാന്‍ http://babuvadukkumchery.blogspot.in/ സന്ദര്‍ശിക്കുക. ആധികാരികമായ ഒരു കുറിപ്പായി ഈ ലേഖനത്തെ കാണേണ്ടതില്ല.

എന്തുകൊണ്ടാണ് ഇ ഫയലിംഗില്‍ കുടിശ്ശിക ശമ്പളത്തിന്റെ റിലീഫ് നഷ്ടപ്പെട്ടത്  ?




2014-15 സാമ്പത്തീക വര്‍ഷത്തിലെ ഇന്‍കം ടാക്സ് റിട്ടേണ്‍ ഇ ഫയലിംഗ് നടത്തിയ (കഴിഞ്ഞ ജൂലായ്‌ ആഗസ്ത് മാസത്തില്‍ നടത്തിയത്) പലര്‍ക്കും അതില്‍ കുടിശ്ശിക ശമ്പളം മൂലം വന്ന നികുതി ഭാരം കുറക്കാനുള്ള 10 E ഫോം പ്രകാരമുള്ള Section 89 (1) ഇളവ് അനുവദിച്ചു തരാതെ നോട്ടീസ് വന്നിട്ടുണ്ടായിരിക്കും. അതുകൊണ്ട് തന്നെ കനത്ത നികുതി അടക്കാനും ആവശ്യപ്പെട്ടിട്ടുണ്ടായിരിക്കും. നമുക്ക് അര്‍ഹതയുള്ള ഈ ഇളവ് എന്തുകൊണ്ടാണ് നിഷേധിക്കപ്പെട്ടത് ? ഇതിനു പരിഹാരമുണ്ടോ ? ഇരമംഗലം K C A L P സ്കൂളിലെ ഹെഡ് മാസ്റ്റര്‍ സുധീര്‍കുമാര്‍ T K തയ്യാറാക്കിയ ലേഖനം വായിക്കുക. ഇതു സംബന്ധമായ കൂടുതല്‍ വിവരങ്ങള്‍ 9495050552 എന്ന അദ്ദേഹത്തിന്‍റെ മൊബൈല്‍ നമ്പറില്‍ നല്‍കാന്‍ ശ്രമിക്കാം

Income Tax E Filing സൈറ്റില്ഇന്കം ടാക്സ് റിട്ടേണ് ഫയലിംഗ് നടത്തുന്നതിനോടൊപ്പം ടാക്സ് റിലീഫ് നേടാനുള്ള Form 10E അപ് ലോഡ് ചെയ്യാനുള്ള സംവിധാനവും പുതുതായി ഏര്പ്പെടുത്തിയിരിക്കുന്നു. ഇത് നിലവില്വന്നതോടെ Section 89 (1) പ്രകാരമുള്ള റിലീഫ് (മുന്വര്ഷങ്ങളിലെ ശമ്പളം വര്ഷം ലഭിച്ചത് മൂലം വന്ന അധിക ടാക്സ് കുറയ്ക്കാനുള്ള റിലീഫ്) ലഭിക്കുന്നതിന് റിട്ടേണ്E Filing നടത്തുന്നതിനു മുമ്പായി E Filing പോര്ട്ടലില്10 E ഫോം തയ്യാറാക്കി submit ചെയ്യണം. ഇത് ചെയ്യാതെ Section 89(1) പ്രകാരമുള്ള റിലീഫ് Income Tax Department അനുവദിക്കുന്നില്ല.

കൂടുതല്‍ വായനക്കും PDF ഫയല്‍  ഡൌണ്‍ലോഡ് ചെയ്യാനും  CLICK HERE